Allt okkar kaffi frá Níkaragúa, Brasilíu og Gvatemala er án krókaleiða og við vinnum stöðugt í að fjölga bændum sem við getum átt bein viðskipti við til að tryggja sem mest gagnsæi og gæði auk þess að geta stutt kaffi bændur um allan heim. Frá 2006 hefur hlutfall hrábauna okkar sem við kaupum án krókaleiða aukist frá 31% af öllu innkeyptu kaffi í 45% 2007, til 53% í 2009, 75% 2010 og upp í 87% árið 2014.
Arturo Aguirre er einn þekktasti kaffibóndi Mið-Ameríku og við erum þakklát fyrir að skipta við hann og El Injerto búgarðinn.
El Injerto vann 1. verðlaun í maí 2012 í Cup of Excellence, 6. árið í röð. Alls hefur El Injerto unnið 7 sinnum til COE verðlauna.
Hér má skoða heimasíðu Finca El Injerto:
http://www.fincaelinjerto.com/
Myndband um búgarðinn hjá ArturoJesus Maria er í eigu Ricardo Rosales og fjölskyldu. Þau keyptu búgarðinn 1990, en þá var hann í algjörri niðurníðslu eftir áralanga vanrækslu. Borgarstyrjöldin frá 1978 -1990 hafði þar áhrif.
Búgarðurinn er í 1035 m hæð yfir sjávarmáli. Allt rafmagn er framleitt á jörðinni með díselvélum, sem knýja vothreinsistöðina, ásamt því að skaffa rafmagn til þeirra sem búa á jörðinni. Hann er 650 hektarar þar af 300 fyrir kaffiræktun og 40 hektarar fyrir mannvirki, byggingar og vegi. Regnskógurinn er 140 hektarar.
Luis Pascoal fylgir ástríðum sínum í starfi Daterra, þær eru gæði og sjálfbærni.
Tækni, rannsóknir og athygli á umhverfinu í kaffiræktun hefur orðið til þess að Daterra er þekkt fyrir að vera einn besti kaffiframleiðandi í heiminum. Kaffiblöndur Datrerra hafa verið valdar af kaffibarþjónum um allan heim til þess að m.a nota í kaffibarþjónakeppnum. Daterra var fyrsti sjálfbæri kaffibúgarðurinn. Árið 1999 náði búgarðurinn ISO 14001 vottun og Rainforest Alliance vottun 2003, fyrst kaffibúgarða í Brasilíu.
