Kaffiklúbbur Kaffitárs

Markmið klúbbsins er að bjóða það nýjasta og besta sem er að gerast í kaffiheiminum og til að vekja athygli á þeim bændum sem vinna eftirtektarvert starf í kaffiræktun.

Klúbburinn virkar svona:

• Þú skráir þig á heimasíðunni eða með því að senda póst á kaffitar@kaffitar.is
• Færð fréttabréf með upplýsingum um kaffið sem þú ert að fara að njóta auk skemmtilegs fróðleiks um hvað er að gerast í kaffiheiminum á líðandi stundu
• Tveir pakkar af kaffi (250gr) sendir heim mánaðarlega
• Auðvelt er að afþakka eða skrá sig úr klúbbnum
• Þér er boðið að hitta brennslumeistarann, taka þátt í smökkun, koma á námskeið og hitta kaffibónda
• Áskrifendur fá mánaðarlega það besta og nýjasta kaffi sem til er hverju sinni
• Verð á kaffiklubbum er 2.600 kr. Sendingarkostnaður er 700 kr.

Hvað bjóðum við upp á í desember?

Kaffið sem við ætlum að drekka um hátíðarnar er eins og svo oft áður ný uppskera af uppáhaldi kaffimeistarans, Kenía. Kenía Karndu er mjúkt eins og nýfallinn snjór. Það er tært og bragðið minnir á dökkrauðan, sætan brómberjalíkjör. Eftir margar prufubrennslur var ákveðið að brenna kaffið í Vínarbrennslu því í þeirri brennslu varð kaffið þéttara og með lengra eftirbragð en hélt þó sætunni og berjaávextinum. Ekki er að finna brenndan tón í bragði því kaffibaunirnar eru svo harðar og þurfa því lengri brennslu til að ná fullkomnun. Kaffið nýtur sín í öllum uppáhellingaraðferðum en er þó líklegast best í pressukönnu og uppáhellingu. Með smákökum og tertum smakkast kaffið enn betur.

Mótvægi við ávöxtinn í Keníakaffinu er Expressó húsblanda. Húsblandan er okkar stolt og því ekki úr vegi að hafa hana í kaffibollanum um jólin. Við mælum sérstaklega með Húsblöndunni eftir mat og með áfengum drykkjum eins og koníaki eða Grand Mariner. Húsblanda er frábær í venjulega uppáhellingu alveg eins og expressóvél. Með mjólk eða rjómatári er bollinn unaður að maður tali ekki um smá rjómalíkjör út í eins og Bailyes. Frönsk brennsla. Bragðmikið kaffi með tónum af dökku súkkulaði, kryddi, hunangi og sætum lakkrís.

Pakkarnir tveir eru áætlaðir í póst þann 13.desember og verða tilbúnir til afhendingar á kaffihúsum okkar 14 desember.

Verðið á sendingunni er 2.600 kr. Sendingarkostnaður er 700 kr.